Kreu i Partisë Demokratike, Sali Berisha ka komentuar deklaratën e bujshme të kryeministrit Edi Rama i cili pohoi se ka përfunduar misioni i “Ballkanit të Hapur”.
Gjatë takimit me grupin parlamentar të Partisë Demokratike, Berisha deklaroi se falë nismës së Ramës dhe Vuçiçit falimentuar mijëra fermerë shqiptarë të cilët u përballën me produktet serbe.
Një nismë anti-europiane e etiketoi Berisha “Ballkanin e Hapur” për të cilën shtoi se ishte projekti i Vucic për të vendosur hegjemoninë serbe në rajon dhe për të sjellë një ‘Jugosllavi të re’ në Shqipëri.
“Rezoluta e genocidit serb, Rama e bllokon prej 1 viti. Si një argat i Vuçiçit e bllokoi, i cili në një akt armiqësor ndaj Kosovës, ndaj kombit shqiptar, e bllokoi në kuadër të Ballkanit të Hapur. Jeni dëshmitar se si nga tetori i 2019, 4 vite me radhë u bë zelltar kryesor, i projektit antishqiptar dhe antieuropian të Vuçiçit, projekti i vendosur të hegjemonisë serbe, Jugosllavi e re plus Shqipëri.
Aleanca krijoi përçarje të madhe në rajon, kishte për qëllim kryesor gllabërimin e Kosovës, e paraqitën si territorit të integruar në atë të Serbisë. Rama kalonte nga samite në samit duke u dhënë mend evropianëve se kjo ishte nismë më e mirë se Procesi i Berlinit.
U thoshte se nuk arriti të kuptoni. Dy persona mbështesin fuqishëm këtë projekt, Lavrov dhe Soros. Ballkani i Hapur bllokoi rezolutën e genocidit, serb. Falimentuan me mijëra ferma e sipërmarrje, dhe tani përfundoi si një nismë antieuropiane dhe pasi i nxorën kartonin e kuq, Rama thotë se “Ballkani i hapur u mbyll”, megjithëse fillon kohë e re sepse padroni i tij në Ballkan tha: “Nuk u besova veshëve të mi, e tha këtë apo jo argati im””- tha Berisha.
- Berisha: Rama po bëhet gjueti shtrigash me ligjin e Lustracionit
“Nismat e grupit parlamentar të PD mbahen prej muajsh në sirtaret e Lindës së Kuvendit me urdhër të Edi Ramës”. Kështua ka deklaruar lideri demokrat Sali Berisha gjatë mbledhjes së grupit parlamentar të PD-së.
Një prej nismave që përmendi Berisha ishte ligji i Lustracionit dhe sipas kreut të PD-së, mazhoranca po bën gjueti shtrigash duke mos e pranuar.
“Vazhdon dhunimi i të drejtave të opozitës në parlament, dhe nismat tona të cilat në çdo parlament të botës detyrimisht, do të ndiqnin rregullat parlamentare bllokohen pa asnjë arsye ligjore, por kryekëput politike për të mohuar të drejtat më elementare të deputetit dhe opozitës në parlament.
Siç e dini janë një seri nismash të grupitotnë parlamentar, të cilat kanë muaj e muaj që mbahen në sirtaret e Lindës së Parlamentit me urdhër të Edi Ramës në mënyrën më absurde,, në mënyrën më të padrejtë, dhe vazhdohet sikur nuk ndodh asgjë.
Prej mbi 6 muaj ne kemi dërguar në parlament ligjin e lustracionit. Ky ligj është ligji i cili, jo vetëm identifikon deputetët, gjykatësit, prokurorët, zyrtarët e lartë për bashkëpunimin e tyre të dikurshëm, ose jo me Sigurimin e Shtetit, por ai detyron largimin nga shërbimi, detyra e atyre që dalin se kanë qenë bashkëpunëtorë të Sigurimit të Shtetit.
Ky ligj është aplikuar plotësisht në vitit 1996. Në vitin 1997 ligji nuk është hedhur poshtë, por është hedhur poshtë lustracioni si komponent i ligjit, dhe vzhdoi për një kohë si i tillë. Në vitin 2008, ne përsëri rikthyem në parlament ligjin e lustracionit.
Gjykata Kushtetuese me kërkesë të Edi Ramës e hodhi poshtë ligjin, në mënyrë plotësisht antikushtetuese, pasi të njëjtin ligj Gjykata Kushtetuese nëvitin 1996 e kishte shpallur të vlefshëm, kushtetues. Por ligjet e mëvonshme këtë ligje lënë plotësisht kushtetues, sepse në ndryshimet kushtetuese që u bënë lustracioni, apo largimi nga sistemi i drejtësisë i ish-nashkëpunëtorëve të Sigurimit të Shtetit u stipulua, u sanksionua në Kushtetutë. Kështu që tani, ligji i lustracionit ka një bazë solide të padiskutueshme.
Lustracioni, apo largimi i ish-sigurimsave u sanksionua në Kushtetutë. Çfarë duan të bëjnë? Këta duan të bëjnë gjahun e shtrigave sepse nuk pranojnë ligjin e Lustracionit, që është i plotë, gjithëpërfshirës. Ata duan të vendosin amendamente vetëm në kodin zgjedhor, në ligjin e dekriminalizimit. Duan që të shpëtojnë për të mbajtur peng gjykatës dhe prokurorë që nuk kanë ikur, që vettingu do i nxirrte nga shërbimi”, – deklaroi Berisha.
