Vllaznia zyrtarizon afrimin e dy futbollistëve. Bëhet fjalë për portierin Jurgen Mehidri dhe sulmuesin Bujar Hajdari. Të dy futbollistët kanë firmosur për tre vite me skuadrën kuqeblu.
Njoftimin për afrimin e dy futbollistëve a ka bërë vetë klubi shkodranë përmes rrjeteve sociale.
“Klubi i Futbollit “Vllaznia” ka kënaqësinë të njoftojë se me skuadrën në stërvitjet që ajo po zhvillon në Bosnjë- Hercegovinë, janë bashkuar edhe dy futbollistë të rinj. Bëhet fjalë për portierin Jurgen Mehidri dhe sulmuesin Bujar Hajdari të cilët do të jenë pjesë e jona për tre vitet e ardhshme. Mirë se erdhët në familjen kuqeblu Jurgen dhe Bujar!”, bëhet me dije në rrjetet sociale nga klubi Vllaznia.
Portieri Mehidri vjen pas eksperiencës 4 vjeçare te “Korabi”. Sulmuesi 20-vjeçar Hajdari ka dalë nga të rinjtë e “Shkupit” dhe ka luajtur edhe në Zvicër. Tashmë të dy futbollistët i janë bashkuar skuadrës në Bosnjë-Hercegovinë, ku po zhvillon fazën përgatitore në kuadër të impenjimit në Ligën e Konferencave.
Skuadra kuqeblu në 13 korrik, më 20:45 “luan në transfertë me irlandezët e “Linfield”. Përballja do gjykohet nga Ivo Torres me origjinë nga Luksemburg.
