Janë vënë në pranga ditën e sotme 2 persona të cilët akuzohen se grabitën kasafortën e një biznesi në Tiranë.
Blutë bëjnë me dije se në pranga kanë rënë shtetasit L. S., 19 vjeç, dhe B. M., 24 vjeç, të dy banues në Tiranë, ndërsa është shpallur në kërkim bashkëpuntori i tyre shtetasi A. D., 53 vjeç.
Mësohet se të tre këta shtetas në bshkëpunim me njëri-tjetrin kanë vjedhur kasafortën e një dyqani me pije alkoolike dhe më pas e kanë hedhur në liqen.
“U bë arrestimi i shtetasve L. S., 19 vjeç, dhe B. M., 24 vjeç, të dy banues në Tiranë, si dhe u shpall në kërkim shtetasi A. D., 53 vjeç, banues në Tiranë.
Nga veprimet hetimore dyshohet se këta tre shtetas, në bashkëpunim me njëri-tjetrin, më datë 12.06.2023, kanë vjedhur në një subjekt privat për tregtimin e pijeve alkoolike, një kasafortë, një aparat celular dhe dy njësi qendrore. Më pas, ata e kanë hedhur kasafortën e vjedhur, në liqenin artificial të Tiranës.
Në cilësinë e provës materiale u sekuestruan kasaforta e vjedhur, aparati celular i vjedhur dhe mjete (çekiç, levë) me të cilat autorët e dyshuar kanë realizuar vjedhjen.
Vijon puna për kapjen e shtetasit A. D. dhe për dokumentimin e plotë të kësaj vjedhjeje”,- njofton policia.
Materialet procedurale i kaluan Prokurorisë, për veprime të mëtejshme.
