Kryeministri Albin Kurti ka komentuar vendimin e Ramës për anulimin e mbledhjes së dy qeverive, e cila duhet të mbahej një ditë më parë në Gjakovë.
Në konferencën për shtyp këtë të Enjte, Kurti tha se ka qenë një vendim të njëanshëm dhe të paarsyeshëm nga ana e kryeministrit Rama.
Rama e njoftoi anulimin e mbledhjes pak orë para, ku gjithçka ishte bërë gati për takimin ku do të firmoseshin 13 marrëveshje që përfshinin dy vendet.
Kryeministri Edi Rama anuloi dy ditë më parë mbledhjen e përbashkët mes dy qeverive Kosovë-Shqipëri që ishte parashikuar të mbahej në Gjakovë.
Rama deklaroi se i kishte kërkuar kryeministrit të Kosovës Albin Kurti që të takohen nesër në një format më të ngushtë, me ministrat e jashtëm dhe të mbrojtjes për të diskutuar për këtë situatë që po çan në mënyrë dramatike Kosovën me bashkësinë euroatlantike në një pikë të paimagjinueshme, por sipas tij, homologu kosovar nuk ka pranuar.
Lexo edhe:
Shqipëria bëhet vendi i parë që sanksionon Kosovën, Rama nervozohet me gazetarët
Gjatë fjalës sëtij, Kurti foli edhe për incidentin e djeshëm, duke konfirmuar se tre efektivët e policisë u rrëmbyen nga forcat serbe. Kryeministri i Kosovës tha se tre policët ishin 370 metra në brendësi të kufirit të Kosovës.
“Ne me partnerët tanë i ndajmë informatat, por heshtja e tyre nuk i kontriubuon deskalimit dhe drejtësië. Nuk ka kuptim që për një njgjarje në territorin e Kosovës, as të nesërmen të mos kemi kurrëfarë deklarate zyrtare”, tha Kurti.
“Kam thënë që pres informacion nga KFOR para mbledhjes së Këshillit të Sigurisë e cila u mbajt sot në orën 07:00. Por, asnjë informacion. Ne kemi shkuar me iformacionet tona, të cilat janë të sakta. Serbia thotë se i ka arrestuar, por është përpjekje për të deformuar rrëmbimin në territorin e Kosovës. Ky është akt agresioni. Unë jam në kontakt me ta (ndërkombëtarët) dhe do t’i takoj dhe sot. Do të zhvillojmë vizita në ambientet e burgut ku po mbahen policët”, shtoi.
