Kryeministri Edi Rama në mënyrë njëanshme anuloi mbledhjen e përbashkët të dy qeverive të parashikuara më 14 qershor në Gjakovë.
Në një konferencë për shtyp, Rama tha se priten sanksione ndaj Kosovës, por mesa duket qeveria shqiptare e ka nisur e para “armiqësinë” diplomatike ndaj Kosovës.
“Kam bërë përpjekje për t’i kërkuar edhe pak kohë, e kam marrë kohën, por nëse nuk e shfrytëzojmë dot këtë kohë për një sens të përbashkët mes të gjithëve, kam shumë frikë që plani që është në plan, realisht shumë i rëndë për Kosovën, do të vihet në lëvizje”, tha Rama.
Por në fakt, me këtë lëvizje Rama e bëri Shqipërinë shtetin e parë që i vendos sanksione Kosovës.
Kur një gazetare në konferencën për shtyp, e pyeti Ramën se a ka frikë se kështu po bëhet i pari që vendos sanksione, ai u nervozua.
Pavarësisht tërbimit, Rama nuk dha asnjë përgjigje direkte, por vazhdoi duke thënë se Shqipëria po ndjek pas linjën e shteteve euroatlantike.
“Vëllazërinë nuk e kemi politike, e kemi një vëllazëri që buron nga gjaku i njëjtë, gjuha e njëjtë dhe e ardhmja e njëjtë. Por ne nuk bëhemi palë në një absurd. Do ishte një tradhti e madhe që do i bënim Kosovës, përveçse një çmenduri për Shqipërinë. Ne kemi detyrën t’ia themi po aq copë, sa ka dëshirë Albini kur i thotë,” tha Rama.
- Arsyet e Anulimit të takimit mes dy qeverive “Rama – Kurti”
Kryeministri Edi Rama njoftoi se nuk do ketë një mbledhje të përbashkët mes qeverive të Shqipërisë dhe të Kosovës, për shkak se kryeministri i Kosovës, Albin Kurti nuk pranoi një format të ngushtë mes kryeministrave, ministrave të Jashtëm dhe ministrave të Mbrojtjes.
Rama e pranoi se Kurti i kishte thënë se mbledhja duhet të mbahet, ndërsa më pas mund të ketë një takim mes tyre. Disa herë, Rama përsëriti se Albin Kurti mund të sanksionohet.
“I kam kërkuar Albinit për t’u takuar në Gjakovë për të diskutuar tensionet në Veri, e cila po e çan Kosovën me bashkësinë euroatlantike në një pikë të paimagjinueshme, ku kjo e fundit ka vendosur gishtin në planin e saksioneve, ndaj shtetit që e ka krijuar vetë. Me shumë keqardhje duhet të them se nuk kemi pasur dakortësi me Kurtin për një ndryshim të formatit, kërkoi që mbledhja të mbahej normalisht por kjo nuk është e mundur pasi nuk është një moment për të krijuar një pasqyrë të rreme me atë që po ndodh me realitetin e Kosovës. Mbase nuk është një përgjigje përfundimtar, shpresoj të takohemi për të ballafaquar opinionet në kushtet kur jemi në prag të planit të sanksioneve, masave shtrënguese ndaj një shtetit që është krijuar nga ata që qartësisht janë në kushtet e sosjes së durimit. Kam bërë një përpjekje për të marrë edhe pak kohë, nëse nuk e zhvillojmë për një sens të përbashkët kam frikë se plani që është plan realisht shumë i rëndë për Kosovën, do vihet në lëvizje”, deklaroi Rama, duke konfirmuar se ka qenë ai nismëtari për të anuluar takimin duke i vendosur kushte Kurtit për të diskutuar për situaten e tensionuar ne veri te Kosovës.
- Rama: Konflikti në veri, i intereson Kurtit dhe Vuçiçit për politika të brendshme
Rama theksoi se i ka kërkuar Kurtit që të zhvillohet më parë një takim që do të diskutojë situatën në veri dhe pozicionin ku ndodhet Kosova në raport me ndërkombëtarët.
Gjithashtu Rama theksoi se situata e tensionuar në veri të Kosovës i intereson Albin Kurtit dhe Vuçiçit për politikat e tyre të brendshme.
“Përpjekja ime me kryeminsitrin e Kosovës nuk ka filluar sot, ka dia ditë që i kam kërkuar të takohemi. Siç unë them atë që mendoj, edhe Albini thotë atë që mendon. Për mua nuk ka surpriza nuk ka gjera të panjohura, sepse siç më njeh ai mua, e njoh dhe unë atë. Ai beson vërtetë që thotë diçka të rëndësishme dhe diçka që unë dua ta marr në konsideratë. Ka dy njerëz të interesuar për Asosacionin, Kurti dhe Vuçiç, sepse për mënyrën se si e kanë ndërtuar politikën e brendshme, ju duhet armiku i jashtëm. Pse e çon Vuçiç ushtrinë në kufi me Kosovën, kujtoni ju se ai mendon se një ushtar serb mund të futet në Kosovë? Apsolutisht jo1 Ai nuk i çon për të mbrojtur me armë serbët në Kosovë, por për të ndezur shpirtin nacionalist në beograd. Pr ça këndojnë ata ushtarët serbë “kosova është e jona”? këndojnë për ata ë e dëgjojnë në Serbi, këngë mitingu. Për çfarë i duhet Kosovës ky konflikt me Serbinë, kur Serbia e ka humbur luftën që në vitin 1999-të dhe nuk ëhstë më kërënim për Kosovën, jo se është Albin Kurti aty, por sepse aty është Amerika. Për çfarë duhet kjo histori konfrontimi. Duhet për politikë të brendshme“, perfundoi Rama.
