Gjykata themelore e Prishtinës ka vendosur masën e sigurisë një muaj paraburgim për Millun Millenkoviç-Llune, personi i cili u arrestua në Mitrovicën e Veriut më 13 qershor, si i dyshuar për sulm ndaj KFOR-it.
“Sot pasdite në Gjykatën Themelore në Prishtinë, në departamentin e posaçëm, është mbajtur seanca për të vendosur lidhur me propozimin e prokurorit publik për caktimin e paraburgimit. Propozimi i prokurorit është miratuar dhe atij i është caktuar paraburgimi prej 30 ditësh”, tha avokati i tij Nebojsha Vllajiç për REL.
Mbrojtja ka 48 orë kohë për të apeluar këtë vendim.
