Sokol Bode i është drejtuar me rekurs Gjykatës së Lartë, ku kërkon prishjen e vendimit te Apelit të Posaçëm, që e dënoi me 8 vite burg, ish-shefin e stacionit të policisë së Dhërmiut.
Në janar të këtij viti, Bode u dënua me 8 vite heqje lirie, me vendim të formës së prerë, ndërsa beteja e tij tashmë do vijojë në shkallën më të lartë të gjyqësorit.
Sokol Bode akuzohet se ka qenë i përfshirë në trafikun e drogës me grupin “Habilaj”, ndërsa fotot e tij me vëllezërit Habilaj kanë bërë xhiron e rrjetit.
Ai u dënua fillimisht me 12 vjet heqje lirie, ku në aplikim të gjykimit të shkurtuar u vendos dënimi përfundimtar me 8 vjet burg. Disa nga anëtarët e organizatës së drejtuar nga vëllezërit Habilaj, kushërinj të ish-ministrit të Brendshëm Saimir Tahiri, u ndaluan në tetor të vitit 2017 nga autoritetet italiane dhe u dënuan në qershor të 2019-ës.
Florian Habilaj nuk u arrestua asnjëherë.
Ndërsa Moisi Habilaj theu masën e sigurisë arrest shtëpie dhënë nga Gjykata e Katanias në Itali dhe ndodhe në arrati bashkë me të vëllanë.
