Një 34-vjeçar shqiptar është arrestuar këtë të hënë nga policia pasi qarkullonte me lëndë narkotike në automjet.
Blutë bëjnë me dije se pas verifikimeve të kryera ka rezultuar se 34-vjeçari ishte dënuar në Gjermani me “arrest me burg”, pasi kishte vrarë një shtetas shqiptar në vitin 2017
“Më datë 11.06.2023, rreth orës 20:40, shërbimet e Policisë kanë ndaluar për kontroll automjetin tip “Benz” me drejtues shtetasin A. M. Gjatë kontrollit fizik, shërbimet e Policisë i kanë gjetur këtij shtetasi, një sasi të vogël lënde të dyshuar narkotike kokainë, e cila u sekuestrua në cilësinë e provës materiale.
Pas verifikimeve të kryera ka rezultuar se ky shtetas ishte shpallur në kërkim ndërkombëtar nga Gjykata e ULM/Gjermani, e cila ka caktuar ndaj tij, masën e sigurisë “Arrest në burg” për kryerjen e veprës penale “Vrasja e kryer në bashkëpunim” parashikuar nga Kodi Penal i Gjermanisë.
Shtetasi A. M., në vitin 2017, në qytetin e Ulm, Gjermani, është konfliktuar me shtetasin shqiptar Xh. M., të cilin e ka qëlluar me sende të forta, duke i shkaktuar vdekjen”,- njofton policia.
Materialet procedurale i kaluan Prokurorisë, për veprime të mëtejshme.
