Burgu do të bëjë bashkë VIP-at e Partisë Socialiste.
Burimet mediatike bëjnë me dije se ish-kreu i bashkisë së Durrësit Vangjush Dako, do të qëndrojë në të njëjtën qeli me ish-deputetin socialist, Alqi Bllako. Të dy ata ndodhen në paraburgimin e Durrësit.
Gjykata e Posaçme dje dha masën paraprake të sigurisë “Arrest me burg” për Vangjush Dakon, ish-kryebashkiak i Durrësit i arrestuar për shpërdorim detyre në dy raste. Ai ka kërkuar masë më të butë sigurie, për të dalë nga qelia, por kjo nuk është pranuar.
Përmes avokatëve të tij, Dako kërkoi të lërë pasurinë garanci për të dalë nga qelia, derisa hetimet të përfudojnë, mirëpo kjo kërkesë e ish-krytarit të Bashkisë së Durrësit u rrëzua duke vendosur që ai të qëndrojë në qeli.
Vangjush Dako do të qëndrojë në paraburgim, deri në një moment të dytë pasi avokati është shprehur se do e ankimojnë vendimin e sotëm.
