Juristi Ylli Manjani, ka komentuar deklaratën e kryeministrit Edi Rama, i cili tha se ka propozuar një draft për Asociacionin e komunave me shumicë serbe.
Përmes një postimi në rrjetin e tij social fb, Manjani shkruan se kurrë më parë një kryeministër i Shqipërisë nuk kishte dalë kaq hapur pro serbisë e kundër Kosovës!
“Unë jam me Albin Kurtin”, shkruan Manjani ndër të tjera, pasi sipas tij Kurti është i pashantazhueshëm.
Reagimi i plotë i Manjanit:
Unë jam me Albin Kurtin!
Kam kohë që e them.
Ai mund të jetë naiv e pa përvojë, bën gabime që shpesh herë i kushtojnë, por është i PASHANTAZHUESHËM.
Ai është Kryeministri që drejton Kosovën në momentin më të vështirë të ekzistencës së saj. Dhe e bën këtë me personalitet e qëndrueshmëri të lartë. Me dinjitet prej burri shteti.
E pra presioni e joshja është shumë e madhe.
Imagjinoj se si politikanët e Shqipërisë, të cilët kanë 33 vjet që mbajnë radhë për të spiunuar vendin e tyre tek ambasada Amerikane, do ishin dorëzuar me kohë që me joshjet e para, pa qenë e nevojshme për presione.
Sulmet ndaj kufinjve të Kosovës janë të gjithanshme dhe “të bekuara” edhe nga burokracia e diplomacisë Amerikane. Madje edhe me Republikën e Shqipërisë së Hamza Kastriotit gjasme në krah… (kurrë më parë një kryeministër i Shqipërisë nuk kishte dalë kaq hapur pro serb e kundër Kosovës!!!)
[😡] [😡]
Albin Kurti nuk punon për Ambasadën Amerikane, por drejton një shtet shqiptarësh të pavarur.
Bash bravo i qoftë!
Mua më imponon respekt ai politikan!
Padyshim që jam me Albinin
