Qindra ukrainas u shpëtuan nga çatitë të enjten, dy ditë pasi ujërat nga një digë e madhe e thyer përmbytën fshatra, fusha dhe rrugë në rajonin jugor të Khersonit, pasi Kievi hodhi poshtë raportet se kundërofensiva e tij kishte filluar.
Pamjet me dron tregojnë zona ku shpesh shiheshin vetëm çatitë mbi përmbytjet. Guvernatori i rajonit tha se rreth 600 kilometra katrorë tokë ishin nën ujë, shkruan Reuters.
Shembja e digës Nova Kakhovka erdhi ndërsa Ukraina përgatiti një kundërofensivë.
Dhjetëra mijëra njerëz janë vrarë, miliona janë çrrënjosur dhe qytete të tëra janë kthyer në gërmadha që nga fillimi i “operacionit special ushtarak” të Rusisë më 24 shkurt të vitit të kaluar.
NBC Neës, duke cituar një oficer të lartë dhe një ushtar pranë vijës së frontit, tha se ofensiva kishte filluar. Ëwshington Post citoi “katër individë” në forcat e armatosura duke thënë të njëjtën gjë.
I pyetur për raportet, një zëdhënës i Shtabit të Përgjithshëm të Forcave të Armatosura të Ukrainës i tha Reuters: “Ne nuk kemi një informacion të tillë”.
Ushtria e Ukrainës tha se përmbytjet në Kherson i kishin detyruar trupat ruse të tërhiqeshin nga pesë deri në 15 km dhe kishin “përgjysmuar” bombardimet.
