Teksa maturantët janë futur në orën 10:00 në ambientet e posaçme për tu testuar për njohuritë në Gjuhën shqipe dhe Letërsi, siç është bërë “traditë”, teza ka dalë sërish online.
Llogaria e “Studentët denoncojnë” në FB ka publikuar tezën e plotë të provimit vetëm 20 minuta pasi ka filluar testi.
E njëjta situatë ndodhi edhe me testimin e Gjuhës së Huaj që u zhvillua më 1 Qeshor.
E pyetur më pas nga mediat, ministrja e Arsimit, Rinisë dhe Sporteve, Evis Kushi deklaroi se tashmë ka nisur një hetim për zbardhjen e çështjes. Megjithatë, Kushi e minimizoi ndikimin e rrjedhjes së tezës në rrjetet sociale. Sipas ministres, përderisa teza nuk ka dalë përpara se të nisë testimi, kjo nuk cënon procesin e vlerësimit. “Maturantët të jenë të qetë, sepse secili do të marrë notën që meriton,” tha ajo për mediat. Ministrja e Arsimit gjithashtu pranoi se personat që fshihen pas këtyre rrjedhjeve janë të njëjtët, dhe ata veprojnë me qëllimin e cënimit të procesit të testimeve, por që sipas saj, nuk ia kanë arritur.
Një qëndrim të ngjashëm mbajti edhe këtë të Mërkurë, pas raportimeve për publikimet online të tezës teksa maturantët zhvillonin privimin.
“Garantojmë që nuk ka asnjë element që të dyshojmë që teza të zgjidhura jashtë kanë hyrë brenda dhe kanë favorizuar një apo dy maturantë, për këtë ne japim garanci. Nuk na vjen mirë që del testi. Dyshimi ynë është që ka njerëz që janë të investuar posaçërisht për këtë qëllim sepse janë gjithnjë të njëjtët që nxjerrin testin dhe nuk bashkëpunojmë me ne për të identifikuar personat që kanë shkelur rregulloren”, tha Kushi gjatë një aktiviteti.
Lexo edhe:
Ministria e Arsimit dështon sërish! Maturantët në testim, teza publikohet online
