Ministria e Arsimit dhe institucionet nën varësi kanë dështuar në sigurimin e një ambienti të barabartë testimi për maturantët e këtij viti. Pak minuta pas nisjes së testimit të gjuhës së huaj, në rrjetet sociale u publikua teza, që sipas zotimeve të ministres së Arsimit Evis Kushi, do zhvillohej nën masa të rrepta mbikëqyrjeje për të shmangur të tilla shkelje.
Ministrja e Arsimit Evis Kushi ka folur ditën e sotme me gazetarët për publikimin e tezës së provimit të anglishtes. Ministrja Kushi, duke dashur të justifikojë dështimin e saj, tha se procesi ka vijuar normalisht dhe se nuk është cënuar nga ky detaj.
“Detaj që nuk e cenon procesin”, ka thënë Kushi.
