Mazhoranca në Komisionin e Edukimit dhe Shkencës nuk mori pjesë në mbledhjen e sotme, e thirrur nga nënkryetarja socialiste Evis Kushi.
Opozita e cilësoi bojkotin si një veprim politik që reflekton frikën e mazhorancës për t’u përballur me pyetjet dhe përgjegjësinë lidhur me gjendjen e arsimit në vend.
Qëllimi i mbledhjes ishte përcaktimi i datës dhe orës për seancën dëgjimore me ministren e Arsimit, Mirela Kumbaro, për situatën dhe masat e marra për vitin e ri shkollor në arsimin parauniversitar.
Kryetari i Komisionit, Luçiano Boçi, tha se, sipas Rregullores dhe Kushtetutës, ministrja dhe mazhoranca duhet të paraqiten para Komisionit më 17 tetor, ora 11:00.
Ai kërkoi nga mazhoranca të ndalojë lojërat politike dhe nga ministrja Kumbaro të zbatojë detyrimin ligjor për të raportuar në Kuvend.
