Ish-anëtarja e Këshillit Bashkiak të Shkodrës, Alida Haxhia, ka folur për mediat pas sulmit që iu bë makinës së saj mesnatën e kaluar.
Në një dalje për mediat Haxhia u shpreh se nuk ka asnjë konflikt me njeri, por ka dyshimet e saj personale lidhur me ngjarjen.
Haxhia ka hedhur akuza ndaj policisë, ku është shpehur se kjo e fundit nuk kishte gadishmëri, duke shtuar se ka mbërritur në vendin e ngjarjes dy orë me vonesë.
Alida Haxhia: “Unë jam qytetare shkodrane, quhem Alida Haxhia. Unë kam një biznes timin privat në Shkodër, operoj dhe në pjesën e politikës Shkodranë. Mbrëmë rreth orë 22:00 kam parkuar makinën time me targa të huaja, në ambientet e resortit. Sot në mëngjes pashë makinën time të masakruar nuk e di nga kush persona, por një dyshim timin personal e kam. Nuk e di se çfarë ka ndodhur, problemi ka qenë gjatë natës, por asnjë person nuk më ka lajmëruar. Policia ka ardhur në vendngjarje pas dy orësh, i kam njoftuar direkt, por ka ardhur pas dy orësh. Nuk kam absolutisht asnjë konflikt, kam një banesë të vogël në Shëngjin dhe s’kam asnjë problem. Kërkoj që policia të marrë masa, por gatishmëria e policisë së Lezhës, ishte katastrofike, zero përballë kërkesës së qytetarit”.
