Haxhim Xhixha, punonjësi i forcave “Shqiponja”, i cili u arrestuar nga agjentët e Agjencisë së Mbikëqyrjes Policore ka krijuar dyshime mbi ndonjë aktivitet të mundshëm kriminal. Kjo pasi nga mesazhet e gjetura në telefonin e tij kanë lindur dyshime se ka pasur kontakte me pjesëtarë të grupeve kriminale.
Sipas “WebLajm”, policët me telefonat Iphone përdornin aplikacionin “Signal” për të shitur fishek luftarak tek persona të botës së krimit dhe ishin përfshirë në para me fajde. Në një nga telefonat e konkretisht ne telefonin e markës “IPHONE 11”, Xhixha bisedon për para me fajde si dhe biseda për dhënien e një sasie fishekësh një shtetasi ende të pa identifikuar, i cili flet gjuhen shqipe. Po ashtu vlen për t’u përmendur edhe fakti që të dy telefonat kishin numër anglez në SIMCard-ën e tyre.
Ky zbulim pritet që ta rëndojnë situatën e tyre para drejtësisë, pasi deri më tani hetoheshin për korrupsion e shpërdorim detyre. Teksa ishin në përgjim e vëzhgim rezulton se dy policët Hashim Xhixha dhe Andi Çelmeta i kanë marrë 100 euro një personi, mitmarrje e cila edhe u filmua.
Deri më tani, për të dy efektivët është caktuar masa e sigurisë arrest në burg. Por tani hetimet duket se do të thellohen për të zbuluar se kujt grupi kriminal i ka “shërbyer” Xhixha.
