Kryetari demokrat Sali Berisha ka deklaruar sot se Fredi Beleri bën mirë kur thotë se është grek, pasi sipas tij ai është grek dhe sicili ka të drejtën të tregojë identitetin e tij kombëtar.
Berisha shton se montimi i turpshëm i Edi Ramës ndaj Belerit ishte gjëja më e turpshme.
“Nuk kam parasysh se ka djeg flamurin, por vijmë te thelbi… që Fredi Beleri thotë jam grek, bën mirë se është grek. Ne jemi vend i lirë dhe çdo njeri duhet të ketë të drejtën të tregojë identitetin e tij kombëtar.
Një nga momentet që më ka mbetur në mendje ishte një debat në parlament mes Vangjel Dules dhe Edi Ramës. U përplasën për një problem, Edi Rama iu vërsul me një urrejtje të papërmbajtur si grek. Unë i thashë ky duhet të jetë krenar me origjinën e tij, s’mund ta fyesh. Pse ja bëri? E kishte patur kushedi sa herë në koalicion dhe pse ta fyente.
Vangjel Dule është grek krenar. Çfarë t’i them unë mos ji krenar?! Montimi i turpshëm i Edi Ramës ndaj Belerit ishte gjëja më e turpshme”, tha Berisha.
