4 shtetas janë arrestuar ditën e sotme nga Policia, pasi akuzohen për vepra të ndryshme penale.
Blutë bëjnë me dije se është arrestuar një 39-vjeçar pasi ka goditur me grusht kolegun dhe i ka marrë telefoin.
Gjithashtu është arrestuar një 24-vjeçar pasi ka shkaktuar një aksident te Rruga e Elbasanit.
Një 19-vjeçar në Vorë është arrestuar pasi ka përplasur një këmbësor teksa ka qënë duke qarkulluar me makinë.
Gjithashtu në pranga ka rënë një 52-vjeçar, pasi u kap duke drejtuar mjetin në gjendje të dehur
Njoftimi i policisë:
Tiranë/ Vihen në pranga 4 shtetas, për vepra të ndryshme penale.
Specialistët për Hetimin e Krimeve të Komisariatit të Policisë Nr. 2 arrestuan shtetasin B. T., 35 vjeç, banues në Tiranë, pasi dyshohet se për motive të dobëta, ka goditur me grusht, kolegun e tij, shtetasin O. K., 39 vjeç, si dhe i ka marrë atij celularin.
Specialistët e Qarkullimit Rrugor arrestuan shtetasit:
– A. S., 24 vjeç, banues në Tiranë, pasi ditën e djeshme, në Rrugën e Elbasanit, automjeti që drejtonte 24-vjeçari, është përplasur me 4 automjete të tjera. Si pasojë e përplasjeve, janë dëmtuar 3 shtetas, të cilët ndodhen në spital, jashtë rrezikut për jetën;
– L. M., 19 vjeç, banues në Vorë, pasi duke drejtuar automjetin, pa leje drejtimi, ka humbur kontrollin mbi drejtimin e automjetit dhe për pasojë, automjeti ka dalë nga rruga dhe ka dëmtuar shtetasin T. K., 37 vjeç (këmbësor), i cili ndodhet në spital, jashtë rrezikut për jetën. 19-vjeçari u largua nga vendi i aksidentit, por si rezultat i veprimeve të shpejta policore, u identifikua dhe u kap më pas;
– S. K., 52 vjeç, banues në Tiranë, pasi u kap duke drejtuar automjetin, në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
