Shoqata e Himara ka lajmëruar mbajtjen e një proteste përballë ambasadës shqiptare në Athinë këtë të martë. Protesta do të mbahet në shenjë solidariteti me Fredi Belerin dhe për të kundërshtuar arrestimin e tij, të cilin shoqata e himariotëve e cilëson si të padrejtë.
“Qeveria shqiptare, kundër çdo koncepti ligji, vendosi të vijojë burgosjen për kryebashkiakun e Himarës, Fredis Beleris dhe shtetasin Pantelis Kokavesis. Përballë këtij zhvillimi, Unioni i Çimarriotëve do të ushtrojë të gjithë fuqinë që mundet që bashkatdhetarët tanë të lirohen ashtu siç e meritojnë.“- shkruhet ndër të tjera.
Përmes një deklarate zyrtare, shoqata fton të gjithë shtetasit shqiptarë dhe grekë t’i bashkohen protestës përballë ambasadës shqiptare në Athinë, në orën 18:00 në adresën: Nr. 7 Vekiareli, Filothei.
Njoftimi:
Protesta në Ambasadën Shqiptare ditën e martë më 23 maj në orën 18:00.
Ftojmë të gjithë himarjotët që jetojnë në Athinë por edhe çdo vorioepirot, çdo qytetar të Greqisë dhe Shqipërisë që e kupton këtë padrejtësi të bashkohet me ne në protestën paqësore që po organizojmë të martën e datës 23 maj në orën 06.00 pasdite në ambasadën shqiptare në Athinë.
Le të japim të gjithë së bashku mesazhin se praktikat e shigurimit nuk do të mbeten pa përgjigje.
Athinë, e hënë 22.05.2023 Shoqata e Chimarrioteve “KIMARRA”
