Deputeti i Partisë Demokratike, Edi Paloka ka bërë përgjegjës kryeministrin Edi Rama për të cilin tha se ka bërë një masakër të vërtetë duke vjedhur votat në zgjedhjet lokale të 14 majit.
Në hyrje të Kuvendit të Shqipërisë, Paloka deklaroi se Sali Berisha nuk duhet të largohet nga drejtimi i Partisë Demokratike, pasi sipas tij, në Shqipëri nuk janë zhvilluar zgjedhje të lira dhe të ndershme por qeveria përdori të gjitha asetet për të manipuluar votat.
Paloka bëri thirrje që opozita duhet të zhvillojë një analizë të thellë për “14 majin”, ndërsa theksoi se opozita mori mbi 500 mijë vota mbështetëse.
“Pse duhet të largohet Berisha? Ne do të rregullojmë defektet tona, problemi kryesor është Rama, ky është realiteti kjo është qeveria që vetëm vjedh. Ne duhet të marrim përgjegjësinë për t’u përballur me këtë realitet, Ne kemi përgjegjësi dhe u i kam thënë disa erë, ne përballemi me një realitet me një qeveri që vjedh dhe manipulon zgjedhjet në cdo moment. Përgjegjësia jonë është të përballemi me një qeveri që nuk bën zgjedhje ose të shkojmë gjithë në shtëpi.
Pyetje: A duhet të bëjë një hap pas Sali Berisha për të bashkuar opozitën?
“Berisha nuk duhet të bëjë asnjë hap pas. Rama po kërkon largimin e Berishës, ai e do PD-në të shkalafitet fare, kjo është loja e tij edhe e Alibeajt për të bërë një PD të shkalafitur fare. Ne nuk i hapim rrugë Edi Ramës të shkatërrojë PD. Alibeaj mbaroi misionin aq ja kishin caktuar. Koalicioni mori mbi 500 mijë vota, pa pasur komisioner, pa pasur numërues, pa pasur financa, pa pasur sigël pa asgjë. Ne e dimë realitetin kjo është qeveria, Rama bën gjithçka edhe më egër se kaq për të manipuluar zgjedhjet”, deklaroi Paloka.
