Ku do të jetë e ardhmja e Thiago Silvës? Tashmë në moshën 38-vjeçare dhe me kontratën me Chelsea-n që i përfundon në vitin 2024, mbrojtësi brazilian është në dilemë.
Gjatë merkatos së verës, ai mund të kthehet në Brazil, ku Fluminense e ka kërkuar publikisht që nga fundi i janarit (është shprehur për këtë çështje presidenti Bittencourt).
Mirëpo për ta hedhur poshtë këtë skenar ka menduar bashkëshortja e Thiagos, Belle Silva, nëpërmjet një postimi në rrjetet sociale.
“Ne, familja ime, burri im, fëmijët e mi dhe unë jemi shumë, shumë të lumtur këtu, në Londër, te Chelsea. Ne jemi blu, do të qëndrojmë këtu! Forca Chelsea!”, ka shkruar ajo, duke përforcuar kështu kështu hipotezën e qëndrimit në kryeqytetin e Anglisë edhe një vit.
