Thiago Silva erdhi falas në verë te Chelsea, por deri më tani po rezulton një nga nënshkrimet më të mirë të bërë në merkaton parasezonale, në të cilën Chelsea ishte klubi më aktiv në Europë, pavarësisht problemeve financiare të shkaktuara nga pandemia.
Kontrata aktuale e Silvas përfundon në verën e ardhshme dhe Chelsea dëshiron ta ketë edhe në sezonin tjetër në gjirin e vet yllin dhe kapitenin e kombëtares së Brazilit.
Në këtë drejtim duket se Marina Granovskaia, drejtoresha e Chelseas ka arritur të gjejë akordin me lojtarin.
Gazetari Fabrizio Romano raporton se është arritur marrëveshja mes palëve për rinovimin edhe për një tjetër vit me të njëjtat kushte të kontratës.
