Gazetari i njohur, Enton Abilekaj i ka bërë thirrje qytetarëve që të marrin pjesë masivisht në votime për të zgjedhur kryebashkiakët që do të qeverisin gjatë 4 viteve të ardhshme pushtetin lokal.
Gjatë një postimi në rrjetet sociale, Abilekaj rendit disa nga arsyet përse duhet të votoni patjetër ditën e sotme.
Reagimi i plotë nga Enton Abilekaj:
“Pse duhet të votosh?
Makineria e identifikimit të votuesve nuk punon në shumë qendra votimi. Kësaj i shtohet edhe boja në gisht që fshihet me një letër të lagur për më pak se 1 minutë. Qendrat e votimit janë të rrethuara me punonjës të administratës që përgjojnë ata që nuk i njohin, intimidojnë ata që i njohin si kundërshtarë dhe orientojnë ata që i njohin si mbështetës. Prania e funksionarëve lokalë socialistë në qendra votimi është bërë normalitet, ashtu si indiferenca e policisë për denoncimet që bëhen nga qytetarët dhe mediat.
Qeveria këtë herë po i masakron hapur zgjedhjet, pavarësisht se ka blerë të lëkundurit, ka trembur kundërshtarët dhe ka arrestuar aktivistët dhe kandidatët. Nëse makineria e identifikimit nuk punon dhe njëkohësisht boja fshihet shpejt, dmth që një person mund të votojë disa herë, dmth që nëse një qytetar nuk voton, në emrin e tij do të votojë ai që e ka injoruar për 4 vjet. Dhe pasi të votojë në emër të tij, do t’i thotë “mos fol se nuk ke votuar”, pavarësisht se paguan taksat.
Nëse voton, jo vetëm i ndalon të votojnë në emrin tënd, por minimizon blerjen e votës, vështirëson manipulimin gjatë numërimit aty ku opozita nuk ka numëruar, pra në gjsymën e grupeve të numërimit.
Mbi të gjitha, nëse voton, do interesohesh për fatin e votës tënde dhe nuk do rrish indiferent kur nga kutitë të dalë rezultati i paracktuar.
Lajhmi i keq është që Shqipëria vlerëzohet ndërkombëtarisht si një demokraci hibride, që në bazë ka zgjedhjet fiktive, që japin rezultatin që do Qeveria. Nëse voton, ndoshta nuk e ndryshon dot rezultatin, por tremb qeverinë, jep mesazhin për zgjedhjet e përgjithshme, e ekspozon masakrën elektorale aq sa të mos mund të fshihet më, aq sa çdo vëzhgues apo ndërkombëtar që e quan procesin të drejtë, të ndiejë sadopak siklet.”
