Autoritetet spanjolle kanë arrestuar tre shqiptarë pasi janë kapur duke punuar brenda një magazine që ishte përshtatur dhe shërbente për rritjen e kanabisit.
Mediat vendase bëjnë me dije se shqiptarët e arrestuar janë nga mosha 35 deri në 52 vjeç dhe akuzohen si pjesë e nje grupi kriminal.
Brenda magazinës janë gjetur 1810 bimë marihuanë me peshë totale 201 kilogramë.
Ndërkohë përveç mallit të sipërpërmendur, janë sekuestruar edhe katër kondicionerë, gjashtë filtra karboni, 41 ventilatorë dhe 164 llamba.
