Antuela Male nga KRIIK ka thënë në një intervistë në Faxneës se fushata zgjedhore është karakterizuar nga një retorikë e polarizuar dhe me denigrimin e figurës së kundërshtarit.
Për gazetaren Rovena Neziri, problematike sipas saj është se partitë dështuan të vendosin një proces ku qytetari të votojë në mënyrë të pandikuar.
Male: Fushata ka filluar përgjithësisht me tone që partite ia drejtonin njëra tjetes dhe jo ,me nje gjuhë normale.
Sa i përket denoncimeve të ngritura në media, nuk mund të jap një opinion shterrues, janë organet ligjzbatuese që duhet të veprojnë dhe të vënë aktorët përpara përgjegjësive.
Shitblerja e votës është një vepër shumë e rëndë. Ne inkurajojmë organet të shkojnë deri në fund të hetimeve dhe ti trajtojnë me përparësi krimet zgjedhore se prekin procesin zgjedhor dhe demokracinë në vend.
Ka filluar dhe vijon fushata me nje retorike të polarizuar politike,e me një fushatë jo me programe konkrete elektorale por në denigrimin e figurës së kundërshtarit.
Ajo që dua të bëj thirrje është që partitë politike dhe kandidatët të ngrihen në përgjegjësinë e detyreës që kanë marrë, vendosjen e procesit zgjedhor para interesave të tyre politike.
Më problematike është ndikimi te qytetari. Partitë dështuan të vendosin një proces ku qytetari të votojë në mënyrë të pandikuar.
Sa i takon posterave dhe billbordeve të vendosura nga subjektet politike ajo tha se këto materiale propagandistike duhet të hiqeshin dhe se KQZ dhe policia e shtetit nuk u angazhuan ashtu sic duhet, dhe të mos ndikonin te qytetarët.
Rikujtojmë se KQZ vendosi të angazhojë policinë e rendit dhe atë bashkiake për të hequr nga ambientet publike të gjithë posterët elektorale që nuk përmbajnë shënimin sqarues “Nën përgjegjësinë ligjore të subjektit zgjedhor që e ka vendosur”
Male: Afishimi i materialeve propagandistike, në rrugët urbane dhe interurbane një cështje që ne e kemi denoncuar që në fillim të fushatës, se ishin vendosur në kundërshtim me kuadrin ligjor por KQZ vetëm para pak ditësh konkludoi që duhet të hiqeshin materialet .
Por ato janë të vendosur në kundërshtim me ligjin dhe duhet të ishin hequr. Ato vazhdojnë të jenë në të gjitha rrugët e vendit dhe KQZ bashkë me policinë nuk morën angazhimin e nevojshëm, që vendosja në mënyrë të kundraligjshme të evitohej deri tek ndikimi i qytetarëve.
