Kryeministri, Edi Rama, e ka bërë traditë tashmë që në cdo takim të organizuar në kuadër të zgjedhjeve të 14 Majit, tu bëjë thirrje demokratëve të mos dalin për të votuar.
Këtë ritual Rama e ka vazhduar edhe në Kavajë, deklaratë për të cilën ka reaguar edhe nënkryetari i Partisë së Lirisë, Petrit Vasili.
Përmes një postimi në rrjete sociale, Vasili i kërkon qytetarëve të dalin të gjithë të votojnë dhe t’ia prishin gjumin Ramës duke shtuar se ai e falimentoi Kavajën për herë të parë në 120 vjet dhe tani kërkon të falimentojë të gjithë Shqipërinë.
“Ky delenxhi e falimentoi Bashkine e Kavajes, per here te pare ne 120 vjet! Tani do qe te falimentoje te gjithe Shqiperine dhe pastaj tja mbathe ne ndonje ishull me trastat plot me euro.
Ndaj dilni te gjithe ne zgjedhje, ne Kavaje dhe ne gjithe Shqiperine dhe prishjani gjumin ketij mendjethartuarit. Se ky e ka mortje, ky mbushet i tëri nga vota e lire!”, shkruan Vasili në fb.
