Një i ri është arrestuar nga policia e Gjirokastrës, pasi në mjetin me të cilin lëvizte janë gjetur dy refugjatë.
Në pranga u vu B.Gj., 32 vjeç, banues në Lezhë.
“Ai është kapur në flagrancë nga shërbimet e Policisë, në vendin e quajtur ‘Kthesa e Luftinjës’, Memaliaj, duke transportuar 2 emigrantë të paligjshëm nga vendet MENA, kundrejt fitimit, për kalim të paligjshëm të kufirit”, njoftoi policia.
Në cilësinë e provës materiale u sekuestruan 1 automjet, 1 aparat celular dhe një shumë parash.
Ndaj të riut është ngritur akuza për veprën penale “Ndihma për kalim të paligjshëm të kufijve”.
