Zgjedhjet e 14 Majit kanë zgjuar dëshirën e zjarrtë të kryebashkiakut Veliaj për të bërë investime ne kryeqytet.
Ethet e parakohshme të fushatës kane sjellë çudinë e radhës në Tiranës, në rrugën “Frosina Plaku” e asfaltuar nga bashkia e Lali Erit gjatë kësaj fushate zgjedhore.
Por duket se këtë herë llogaritë i kanë dalë jashtë pritshmërive Lalit, sepse nëse do të kalosh në vijat e bardha për t’u hedhur nga njëra anë e rrugës në tjetrën, duhet që të përplasesh ose me pemën, ose me xhamin e një lokali, falë investimit të padobishëm.
Rasti është publikuar në rrjete sociale nga Ermal Dizdari.
POSTIMI I PLOTË nga Ermal Dizdari:
… me ne fund edhe rruga “Frosina Plaku” u shtrua me asfaltin e shumëpritur… Por ajo që bie në sy me shume, është një inovacion urbanistik, i pa hasur më parë… Vijat e bardha, që dalin nga dyqani i Simonit dhe përfundojnë te xhamat rrethues të lokalit ose fiks te pema trotuarit….(pra nëse del nga dyqani, bën 5 hapa dhe perplasesh me xhamat/ ose e kundërta duhet zbresësh nga pema për të ecur në vizat e bardha dhe të futesh në dyqan)… mos valle një truk i shkencës apo iluzion metafizik?!?! …Japonia ka ngritur me urgjence një skuader, me specialistët më të mirë të Ministrisë së Rrugëve dhe Hekurudhave për të konstatuar dhe studiuar nga afër gjenialitetin e urbanisteve të Tiranës… Ndërkohë që një grup ekspertësh të digave kundër përmbytjeve në Hollande, kanë kërkuar binjakëzim me Drejtorinë e Rrugëve në bashkine e Tiranës….Gjithashtu pritet një delegacion i nivelit të lartë nga Organizata Botërore e Tregtisë, të cilët do të monitorojnë efektin që vizat e bardha do të kenë në dyqanin e Simonit!
