Autoritetet italiane kanë dënuar me 30 vite burg, 36-vjeçaren shqiptare Elona Kalesha, e cila vrau e më pas copëtoi trupat e prindërve të të fejuarit të saj, duke i futur në valixhe
Kalesha akuzohet për vrasjen e prindërve të ish të dashurit, Teuta dhe Shpëtim Pasho. Çifti Pasho u zhduk në vitin 2015 dhe eshtrat e tyre ishin fshehur në valixhe. Trupat e tyre u gjetën në një fushë mes autostradës Firence-Piza-Livorno në dhjetor të vitit 2020.
Ajo po priste një fëmijë nga një burrë tjetër dhe për këtë arsye, vrau dy prindërit e të fejuarit të saj, në një përpjekje që mos t’i thoshin djalit të tyre, Taulant Pashos, i fejuar në atë kohë me Elona Kaleshën, ka deklaruar se fëmija nuk ishte i tiji.
Ishte kjo përmbyllja përfundimtare e një sage të vërtetë me protagonizëm shqiptar në Firenze, e cila u bë e njohur si ngjarja e “trupave në valixhe”. Tre valixhe e më pas një e katërt, u gjetën në dhjetorin e vitit 2020 në Firenze. Brenda tyre, mbetje mortore të dy individëve, një burri dhe një gruaje.
Pas hetimeve policore, u zbulua se ato mbetje, i përkisnin një çifti shqiptarësh, të cilët u identifikuan më pas si Shpëtim dhe Teuta Pasho.
