Humbja e terrenit në Serinë A , kampionat në të cilin Napoli ka triumfuar me meritë gjatë sezonit aktual pas 33 vitesh , i ka bërë drejtuesit e Milanit të lëvizin gurët në lidhje me përforcimin e prapavijës.
Kuqezinjtë janë fokusuar tek Norwich City , skuadër në të cilën aktivizohet Andrew Omobamidele.
Dyshimet mbi të ardhmen e Fikayo Tomorit në ‘’ San Siro ‘’ e bëjnë të domosdoshëm transferimin e këtij lojtari, për të cilin Stefano Pioli tashmë e ka dhënë ‘Ok’.
Projekti ambicioz i Milanit po shkon drejt rrugës së duhur , skuadër e cila pas shumë vitesh ka treguar protagonizëm në Champions League dhe në sezonin aktual ka arritur gjysëmfinalet .
20 vjeçari ka spikatur me Norwich City-n në Championship, kategori në të cilën rivaliteti gjithmonë ka rezultuar i ashpër por interesi i Milanit është një shans që s’të vjen shumë herë gjatë karrierës dhe besohet se do të analizohet me detaje nga irlandezi.
Për arritjen e këtij akordi , kampionët në fuqi të Scudettos kanë ofruar 25 milionë euro , shifër e konsiderueshme , e cila parashikohet se do të marrë përgjigje shumë shpejt nga drejtuesit e Norwich City-t .
