Vrasja e biznesmenit dhe politikanit lokal në Lezhë Ardian Nikulaj riktheu dhe njëherë fenomenin e në plage të vjeter në shoqërinë shqiptare, atë të gjakmarrjes. Hasmëria mes fiseve Nikulaj dhe Lekstakaj në Balldre të Lezhës e ka zanafillin në vitit 1996, teksa u vra Pëllumb Nikulaj i cili ndërhyri për të shuar një sherr në një pikë karburanti në dalje të qytetit të Lezhës.
Diçka e tillë bëhet e ditur nga misionari i Pajtimit të Gjaqeve Pjeter Gjoka sipas të cilit gjithçka ka nisur nga fisi Lekstakaj, por pas vitit 2005 situata mes tyre ishte qetësuar.
“Së pari dua të shpreh ngushëllimin për familjen për ngjarjen e rëndë që ju ka ndodhur, vrasje makabre e një njeriu të njohur në Lezhë, edhe si një njeri human e bamirës, edhe me zë shumë të mirë veçanërisht këtu në zonën e Lezhës. Ngjarja ka filluar diku nga 97, për një konflikt të çastit, për një faturë karburanti. Aty ka filluar sherri, për të vazhduar më pas, ajo që dua të theksoj është se realiteti është ky që po them. Ka filluar nga fisi Lekstakaj, ata kanë filluar sherrin me një tjetër. Djali i Nuikulajt ka shkuar për ti ndarë”, tha Gjoka per mikrofonin e Faxnews.
Misionaret e Pajtimit të Gjaqeve kanë qenë në dijeni të këtyre perplasjeve mes dy fiseve, por nuk është bërë asnjë tentative ndërhyrje për t’u pajtuar, pasi diçka e tillë nuk ishte kërkuar nga asnjëra pale thotë Gjoka.
“Disa prej vrasjeve ju lanë vitit 97, mes këtyre fiseve, nga viti 2005 e këtej ka pasur një qetësi, nuk kemi pasur asnjë informacion që mes këtyre dy fiseve të ketë pasur ndonjë tentativë për gjakmarrje, ne i kemi besuar kësaj qetësie. I ndjeri Ardian Nikulaj, në takimet që kam pasur me të, nuk na ka rënë rasti që ta diskutojmë këtë temën e hakmarrjes, nuk ma ka bërë këtë kërkesë asnjëherë prej tij”.
Biznesmeni Ardian Nikulaj u ekzekutua mesditen e 19-prillit brenda lokalit të tij në vijen e parë të bregdetit të Shëngjinit. Falë veprimeve të shpejta hetimore policia nën drejtimin e Prokurorisë së Lezhës arrit të zbardhë dhe dokumentojë ngjarjen e cila ka ndodhur për gjakmarrje, duke shpallur në kërkim 6 përsona 5 prej të cileve shtetas të huaj.
