Kandidati i koalicionit “Bashkë Fitojmë” për Tiranën, Belind Këlliçi është takuar me banorët e Njësisë Nr.7 në kryeqytet, ku ka komentuar posterin e tij me gishtat e mesit, drejtuar korrupsionit. Këlliçi tha se nga posteri i tij janë mërzitur hipokritet dhe ata që mbrojnë inceneratorët fantazëm.
Këlliçi shtoi më tej se në 14 Maj do të zhbëjnë sistemin e kalbur e korruptiv të ngritur nga Erion Veliaj.
“Ai posteri im i gishtave i ka mërzitur shumë njerëzit…i ka mërzitur shumë që unë i kam nxjerr zemrën qytetarëve, dhe i kam nxjerr gishtin korrupsionit. Janë mërzitur të gjithë hipokritët që jetojnë në Tiranë, që punojnë në Tiranë. Analistët e mediave, që mbrojë nga mëngjesi deri në darkë korrupsionin, që mbrojnë inceneratorët fantazëm, që janë të gatshëm të thonë se kanë hipur në trenin elektrik të Erion Veliajt, që janë të gatshëm të dalin në media dhe të na numërojnë 1 milionë pemët e Erion Veliajt.
Sistemi që është ngritur sot në Tiranë, që është krejt i kalbur, korruptiv, i bazuar në lidhjet më okulte të kryetarit të Bashkisë me Ndraghetën italiane, të kryetarit të bashkisë me mafien e ndërtimit, ne bashkë do ta zhbëjmë në 14 maj”, tha Këlliçi.
Këlliçi kërkoi nga SPAK hetimin e kreun e IMT-s, Mariglen Qato, i cili akuzohet se ky i fundit ka përfituar 25 milionë euro tendera nga bashkia e Tiranës, ndonëse është vartës i Veliajt.
Më tej ai i shtron disa pyetje SPAK-ut se çfarë i pengon të verifikojnë akuzat e tij.
“Kam një thirrje për SPAK-un sot nga Njësia Nr.7. Ka shumë fjalë, po flitet ditët e fundit, se po përgatiteni që Mariglen Qaton ta arrestoni pas zgjedhjeve, për të mos i dhënë kosto kryetarit të bashkisë.
Çfarë ju pengon të shkoni dhe ti verifikoni ato akuza që kam bërë unë? Çfarë ju pengon që tre vite që është bërë kallëzimi në SPAK për inceneratorin e Tiranës, të hapet dosja e Tiranës? Çfarë ju pengon të shihni shkresën e Erion Veliajt me firmën e tij dhe me vulën e bashkisë në mars të 2017, që shiti për 30 vite ekonominë e qytetit tonë. Çfarë ju pengon t`i shihni këto shkresa që janë bërë publike?”- tha Këlliçi.
