Ka filluar sezoni i dytë i ‘Aventurat e Uriah-Fikut’ ku personazhi kryesor i satirës politike, “Fiku” është Erion Veliaj, ndërsa “Sulltani”, Edi Rama.
Në këtë episod të dytë të sezonit të dytë, të satirës politike me në qendër Lali-Fikun e Bashkisë, ‘Aventurat e Uriah-Fikut’, heroi kryesor vendoset para një misioni të vështirë: të shërbejë për një javë në linjën e Kamzës si shofer autobusi.
Ndërsa ‘sulltani’ mendon se kjo do të jetë një sfidë që Uriah-Fiku nuk do ta përballojë dot: diçka e papritur i ndodh heroit tonë Uriah-Fik.
Në serialin që tentohet vazhdimisht të censurohet, vihen në lojë edhe figura të tjera të galaksisë sulltanore si Mamica, Bella-Ciao, Maçoku etj.
Intriga kryesore e tij përqendrohet në lojën plot dredha të Uriah-Fikut edhe për të bërë të gjitha cirqet e mundshme për t’iu servilosur Edo-Hanit, por edhe njëkohësisht, për t’i vënë stërkëmbësha që mund të sjellin dështimin e tij dhe zënien e vendit të liderit nga Veliaj.
