Kryeministri Edi Rama mori pjesë sot në prezantimin e raportit të OECD për rezultatet e TALIS, Anketës Ndërkombëtare të Mësimdhënies dhe të Nxënit.
Pas 12 vitesh në pushtet, Rama u kujtua të flasë për sfidat që ka arsimi sot. Ai foli për rëndësinë e mbështetjes së mësuesve të rinj, uljes së ngarkesës së tyre të punës dhe integrimit të teknologjive të reja si inteligjenca artificiale në procesin mësimor.
Rama ranoi se një pjesë e mësuesve të rinj, ata nën 30 vjeç, raportojnë se mund ta lënë profesionin nëse nuk do ndihen të mbështetur dhe të motivuar mjaftueshëm.
“Dua të shtoj se mbështetja e mësuesve të rinj, ulja e ngarkesës së punës dhe mundësisë për të marrë frymë dhe për të punuar më lehtësisht dhe përfshirja e AI në praktikat e klasës janë objektiva që duhet t’i ndjekim bashkërisht.
Ka një shqetësim që ne nuk na gjen të papërgatitur, por që reflektohet në anketim se një pjesë e mësuesve të rinj ata nën 30 vjeç raportojnë se mund ta lënë profesionin nëse nuk do ndihen të mbështetur dhe të motivuar mjaftueshëm.”– tha Rama ndër të tjera.
