Presidenti francez Emmanuel Macron ka vendosur të riemërojë Sébastien Lecornu në postin e kryeministrit, vetëm pak ditë pasi ky i fundit dha dorëheqjen nga detyra. Vendimi është konfirmuar nga Pallati Elize dhe vjen në një moment të ndjeshëm për politikën franceze
Lecornu, i cili më parë mbante postin e ministrit të Mbrojtjes, ishte larguar duke deklaruar se “kushtet për të vazhduar nuk ishin të përshtatshme” dhe se “interesat e ngushta kishin mbizotëruar”, një mesazh që u interpretua si kritikë ndaj klimës politike aktuale në Francë.
Pas riemërimit, Lecornu reagoi përmes rrjetit social X, ku shkroi: “E pranoj me përkushtim misionin që më është besuar për të siguruar që Franca të ketë një buxhet deri në fund të vitit.”
Vendimi i Macron-it për të rikthyer Lecornu-n në detyrë përkon me përpjekjet e presidentit për të gjetur një konsensus të ri politik mes partive, në mënyrë që të shmanget një krizë e thellë apo shpërbërja e mundshme e Parlamentit.
