Një ditë pasi Komisioni i Ankesave dhe Sanksioneve rrëzoi kërkesën e nënkryetarit të PL, Endrit Braimllari, ku kërkohej që në fletën e votimit krah koalicionit “Bashkë Fitojmë” të vendosej emri i Sali Berishës, opozita ka marrë një vendim të rëndësishëm.
Mësohet se koalicioni opozitar ka paditur në Kolegjin Zgjedhor, KAS-in dhe KQZ, duke kërkuar sërish që përbri emrit “Bashkë Fitojmë” të vendoset si drejtues i koalicionit emri i ish-kryeministrit.
Kujtojmë se KAS pasi rrëzoi kërkesën, bëri me dije një vendim të ri duke sqaruar se përbri emrit të koalicionit duhet të shkruhej emri i kreut të Partisë së Lirisë Ilir Meta, pavarësisht se anëtarët e këtij koalicioni e dërguan edhe me shkrim vullnetin e tyre se kë kishin zgjedhur për drejtues.
