I ashtëquajtur “Bordi i Transparencës” i ngritur nga kryeministri Edi Rama është shndërruar prej më shumë se një viti në një “hall” për xhepat e shqiptarëve dhe sot ka vazhduar talljen me qytetarët.
Teksa të gjithë e prisnin shkrirjen, ditën e sotme Bordi i Ramës nuk njeh as Gjykatën Kushtetuese duke caktuar sërish çmime abuzive të karburanteve në vednin tonë.
Në mbledhjen e fundit, “Bordi i Ramës” vendosi që nafta dhe benzina të tregtohen me çmimin e njëjtë, pra 181 lekë/litër, kurse gazi pas orës 18:00 do të kushtojë 75 lekë/litër.
Çmimi i naftës në bursën ndërkombëtare prej më shumë se një disa muajsh është në “pikiatë”, kurse bordi i ngritur nga kryeministri Edi Rama abuzon dhe tallet me xhepat e shqiptarëve duke mbajtur çmimin e lartë të naftës në një kohë kur të gjithë po kërkojnë shfuqizimin e tij.
Operatorët e tregut pohojnë se nëse Bordi nuk do të ndërhynte, çmimet do të ishin të paktën 5-10% më lirë, pasi kompanitë do të ishin fleksibël të merrnin vetë përsipër rrezikun dhe të blinin më shumë sasi kur çmimi të ishte më i lirë në tregje, ndërsa tani janë të detyruar të bëjnë blerje në baza ditore për shkak të ndërhyrjeve të bordit.
Kujtojmë që opozita ka kërkuar “shkrihen” në mënyrë urgjente të bordeve të cilat etiketohen si “komuniste” pasi abuzojnë me çmimet në dëm të xhepave të qytetarëve.
- Gjykata Kushtetuesja bën lojëra fjalësh dhe mban në fuqi Bordin e Ramës
Gjykata Kushtetuese para dy ditesh ka marrë një vendim, i cili më shumë se vendim gjyqësor është një lojë fjalësh për të mos vendosur asgjë. Në njoftimin e shpërndarë të martën në mbrëmje, Gjykata Kushtetuese deklaroi se kishte pranuar pjesërisht kërkesën e Partisë Demokratike për të shfuqizuar Bordin e Karburanteve.
Sipas njoftimit, Gjykata ka vendosur shfuqizimin e fjalisë së dytë në pikën e dytë të nenit 21/10 të ligjit nr. 39/2022 “Për miratimin e aktit normativ nr. 5, datë 12.03.2022 “Për disa shtesa në ligjin nr. 8450, datë 24.02.1999 “Për përpunimin, transportimin dhe tregtimin e naftës, të gazit dhe nënprodukteve të tyre”, të ndryshuar”, si të papajtueshëm me Kushtetutën e Republikës së Shqipërisë.
Por cfarë thotë fjalia e dytë e pikës së dytë të Aktit Normativ? Kjo fjali thotë shprehimisht: Përfundimi i situatës së veçantë dhe i zbatimit të parashikimeve të këtij kreu përcaktohet me vendim të Bordit.
Pra Gjykata Kushtetuese ka rrëzuar si antikushtetuese vetëm pikën e Aktit Normativ që ja lë vetë Bordit në dorë se kur të mbyllet. Por ndërkohë pjesa tjetër e Aktit Normativ me këtë vendim mbetet në fuqi. Ashtu sikurse dhe Bordi i Karburanteve mbetet në fuqi deri kur te vendose qeveria per ta shfuqizuar. Një vendim në kufijtë e groteskut, kur për një cështje identike, për Bordin e Ushqimeve, Gjykata Kushtetuese u shpreh qartë për rrëzimin e tij si Anti-kushtetues, ndersa per Bordin e Karburanteve ia kalon topin qeverise.
