Nga Boldnews.al
Ndërsa kryeministri Edi Rama tha se me paratë e fushatës do mbillte pemë, në fakt ka mbjellë fytyrën e tij në billbordera në të gjithë vendin. Shuma marramendase për këtë reklamim që paguhet nga paraja e padeklaruar e cila dihet se nga vjen e ç’erë mban. Nën “narkozën” e të paprekshmit, që Kodin Zgjedhor dhe “kodin etik” e shkel sa herë dëshiron, Rama po shfaqet në çdo cep të Tiranës dhe rrugëve kryesore në vend në billbordera të mëdhenj.
Ligji zgjedhor e ka të qartësuar se nuk lejohet asnjë fletëpalosje, afishe dhe billbordera në vlerën e më shumë se 5000 lekëve. Ato janë të lejueshme vetëm pranë zyrave elektorale të subjekteve zgjedhore dhe jo më larg se pesë metra nga vendi ku ndodhet.
Gjithashtu është e përcaktuar se pushteti lokal, pesë ditë para zgjedhjeve, dorëzon në KQZ zonat ku do të vendesen afishe të ndryshme, apo billbordera pranë zyrave elektorale. Në rastin në fjalë ku Rama shfaqet kudo në Tiranë dhe në rrugët nacionale është në kundërshtim të plotë me ligjin. Por t’i thuash Ramës dhe Veliajt mund të qeshin aq gjatë sa tu dalin lot nga sytë.
Kudo shfaqet Rama në krye në foto me ngjyra dhe poshtë dy kundërshtarët Berisha dhe Meta me slloganin: “Kurrë më mprapa, vetëm përpara”. Në billbordera nuk është vetëm Rama me ndonjë sllogan apo premtim, duke paraqitur fytyrën e tij të kuruar me filtra dhe fotomonatazhe. Ai ka paraqitur nën vete pamjet e dy kundësrhtarëve politik, Sali Berisha dhe Ilir Meta. Komisioni Qëndror Zgjedhor ka tagrin që të kërkojë heqjen e këtyre billborderave pasi në radhë të parë është shkelur Kodi Zgjedhoir dhe se dyti janë mesazhe diskriminuese për kundërshtarin dhe shkelje e të drejtave pasi po përdor pamjet e dikujt tjetër pa autorizim.
Teksa etika dhe ligji është një pemë që kurrë nuk rritet brenda Rilindjes, dyshimi i madh mbetet për shumat e frikshme që paguhen për shfaqjen e Ramës në afishe moderne me kosto të lartë. Vetëm për një billoborder me përmasa të vogla, reklamimi shkon deri në 400 euro dita. Në Tiranë janë mbi 200 të tilla, por në shumë shumë herë më të larta janë billborderat e përmasave të mëdha, në disa raste edhe elektronike. Vetëm reklmimi bashkë me koston e shtypjes mund të arrijë mbi 2 milionë euro.
E ndërsa paraja e pisët kuron imazhin e Ramës dhe diskriminon kundërshtarët politik, qytetarëve u ofrohet tjetër propagandë, duke besuar në surrealen se PS po bën një fushatë të varfër, madje edhe me paratë që ligjërisht duhet të përdoren për fushatë, ai po i kthen në investime publike në mbjelljen e “pemëve të arta” nga duart e deputetëve, vetë Ramës, ministrave dhe kandidatëve për kryebashkiakë. “Kurrë më Mprapa, vetëm përpara”.
