Një nënoficer i Forcave Ajrore në Itali është kërcënuar pasi drejt banesës së tij është qëlluar me breshëri plumbash një natë më parë.
Mediat italiane bëjnë me dije se ngjarja ka ndodhur në Muro Leçese, ndërsa dyshohet se autorë janë një grup kriminal që përbëhet kryesisht nga emigrant shqiptarë.
Ata kanë qëlluar të paktën 20 herë në drejtim të banesës. Ngjarja është mbyllur pa të lënduar, por vetëm me dëme materiale, duke nënkuptuar se ka qenë një mesazh për nënoficerin.
Karabinierët po hetojnë dhe nuk përjashtojnë faktin që mund të bëhet fjalë për një ngatërresë dhe se autorët kanë pasur tjetër person në shënjestër.
Sulmi mendohet të ketë zgjatur vetëm disa sekonda, bazuar në pamjet që ka siguruar grupi hetimor. Hetimet vijojnë dhe pritet të merret në pyetje çdo banor, që mund të ketë parë apo dëgjuar diçka.
