Në Britaninë e Madhe po qarkullon një variant i ri i koronavirusit, i cili u emërua “Arcturos” dhe tashmë po “përhapet” më shumë në Indi. Siç bëhet e ditur nga mediat britanike, mutacioni i ri shumë i transmetueshëm u shfaq në Britaninë e Madhe për herë të parë muajin e kaluar dhe deri më tani janë identifikuar 50 raste.
Shkencëtarët, megjithatë, nuk presin që varianti të jetë më vdekjeprurës se llojet e tjera të koronavirusit që qarkullojnë aktualisht. Për më tepër, rezultatet e para të hulumtimit tregojnë se “Arcturos” nuk ka një aftësi të shtuar për mbrojtjen e ofruar nga vaksinat.
Në një studim të bërë nga shkencëtarët në Japoni dhe të para-botuar në revistën shkencore bioRxiv, duket se Arcturus është 1.2 herë më ngjitës se mutacioni Kraken. Po ashtu, sipas tyre, mutacioni pritet të përhapet së shpejti në të gjithë botën .
Organizata Botërore e Shëndetësisë (OBSH) aktualisht po ndjek zhvillimin e “Arcturus”, i njohur shkencërisht si XBB.1.16 dhe i identifikuar për herë të parë në fund të janarit.
