Kandidati i koalicionit opozitar për bashkinë e Elbasanit, Luçiano Boçi paralajmëron drejtuesit aktualë se për të gjitha shkeljet do të mbajnë përgjegjësi ligjore.
Në Çim Peka Live, në Syri Tv, Boçi tha se pas 15 majit do të skanohen të gjitha shkeljet e bëra nga administrata dhe do të referohen në Prokurori.
“Të gjitha shkeljet e konstatuara të bëra nga bashkia Elbasan do të dërgohen në Prokurori. Zakonisht, një drejtues i ri kur hyn nuk mund të futet në një territor të minuar, bëhet një analizë, një skaner i plotë i të gjitha veprimeve antiligjore që ka kryer institucioni, referohen në organet ligjzbatuese. Kjo është gjë që duhet bërë dhe normal që do të realizohet”, u shpreh Boçi.
