Detajet të reja dalin rreth ngjarjes së rëndë të ditëve të fundit, ku gjyqtaria Juxhin Xhaja u kërcënua me jetë para ndeshjes Kastrioti-Bylis.
Në emisionin “Procesi Sportiv”, është zbuluar se Xhaja është marrë në mbrojtje nga strukturat e specializuara të policisë.
“Është konfirmuar fakti që gjyqtari kryesor, ka depozituar kallëzim penal, është marrë kallëzim nga agjentët e krimeve kundër jetës. Policia i ka ofruar mbrojtjen atij, ai është marrë në mbrojtje nga policia, jo mbrojtje klasike por shërbime policore do ta mbajnë nën vëzhgim për sa kohë është shprehur i rrezikuar për jetën e tij dhe familjarëve.
Sipas tij kallëzimi ka qenë i drejtpërdrejtë nga persona të caktuar, punohet për identifikimin e tyre dhe mund të kenë lidhje direkte me ngjarjen. Kallëzimi është marrë disa orë më pas, nuk është njoftuar fillimisht. Policia e ka mësuar nëpërmjet rrugëve zyrtare, komunikatës së FSHF. Më pas është kontaktuar dhe vepruar për kallëzimin pas kontakteve”, treguan gazetarët.
