Partizani dhe Tirana janë dy skuadrat, që e kanë sunduar këtë sezon të Kategorisë Superiore.
Për herë të parë pas shumë vitesh dy gjigantët e kryeqytetit përplasin “brirët” për titullin kampion.
Në një vëzhgim të pozicionimit të dy skuadrave në 27 javë të luajtura në plot 26 raunde ka qenë një nga këto dy ekipe në krye.
Vetëm në javën e parë ka ndodhur që të kryesojë një ekip tjetër (Laçi). Nëse duhet të krahasojmë dy kryeqytetaset, Partizani është ekipi që e ka mbajtur më shumë vendin e parë me plot 15 javë, kundrejt 11 të Tiranës.
Bardheblutë kanë qëndruar më shumë në vendin e dytë, 11 javë. Partizani nuk ka rënë në asnjë moment më poshtë se vendi i tretë i tabelës, teksa Tirana ka shijuar edhe vendin e gjashtë të renditjes.
Statistikat në parim i tregojnë “demat” një ekip më të qëndrueshëm.
