Juventus dhe Inter barazojnë në një ndeshje shumë të luftuar dhe të tensionuar për llogari të gjysmëfinales së parë të Kupës së Italisë.
Sfidë me emocione dhe tension në fund ku Lukaku barazoi në minutën e 94 por mënyra se si festoi u konsiderua provokim dhe belgu doli me karton të kuq e bashkë me Cuadradon, i cili shënoi golin e Juventusit, nuk do të luajnë në sfidën e kthimit në “San Siro”.
Ndeshja u luajt kryesisht në mesfushë me shumë përplasje dhe kontestime nga të dyja krahët ndërsa goli i parë erdhi nga këmbët e kolumbianit në të 85-ën.
14 minuta në fushën e lojës edhe për Kristjan Asllanin i cili zëvendësoi në minutën e 81 Brozovic.
Ndeshja u mbyll me protesta dhe tension por ai që ka rëndësi është rezultati dhe me këtë barazim, asgjë nuk është vendosur.