Kolegji i Posaçëm i Apelimit vendosi sot lënien në fuqi të vendimit të Komisionit të Pavarur të Kualifikimit për shkarkimin nga detyra të gjyqtarit të Apelit Tiranë, Shkëlqim Mustafa.
Trupa gjykuese e përbërë nga Albana Shtylla kryesuese, Natasha Mulaj relatorë dhe anëtarët Ina Rama, Rezarta Schuetz e Sokol Çomo rrëzuan ankimin e Mustafas.
Në përfundim të gjykimit në dhomë këshillimi, trupi gjykues vendosi me shumicë votash lënien në fuqi të vendimit të Komisionit të Pavarur të Kualifikimit.
Komisioni i Pavarur i Kualifikimit konkludoi se gjyqtari i Apelit Tiranë, Shkëlqim Mustafa ka fshehur pasurinë, ka bërë deklarim të rremë dhe ka mungesë burimesh të ligjshme për pasurinë e deklaruar.
Lexo edhe:
KPK e shkarkoi gjyqtarin Shkëlqim Mustafa për kriterin e pasurisë