Kreu i Partisë Demokratike, Sali Berisha zotëron dokumentat që vërteton korrupsionin masiv që është kryer përmes inceneratorëve ku implikohet Rama dhe Veliaj.
Në krah të Zef hilës, Berisha tha se ditën e hënë do t’ia dorëzojë kreut të SPAK-ut Altin Dumanit dokumenta për të hetuar aferën e inceneratorëve për të cilën thotë se dyshja Rama-Veliaj kanë vjedhur nga taksapaguesit shqiptar plot 503 milionë euro.
Sali Berisha: “Bashkia e Tiranës 61% të taksave të qytetarëve i kthen në rroga. Nuk ka në botë, ua garantoj nuk ka botë qeverisje vendore që bën një gjë të tillë. Sigurisht që vjedhin, vjedhin dhe vetëm vjedhin. Asnjë djegs nuk ekziston. Prokuroria bën sikur heton në fakt mbyll hetime. Sot dëgjoja prokurorin, sepse për djegësin e Tiranës në të cilën Veliaj dhe Edi Rama kanë vjedhur 503 mln deri tani, nuk e dimë thotë se e kujt është sipërmarrja. Po çfarë shteti është ky? Dihet se e kujt është, por pronarin e vërtetë nuk e prek dot me dorë o zoti prokuror. Dokumentat i ka Veliaj, Rama i ka dhe Sali Berisha. Po të duash t’i nis të hënën. Por edhe po të duash nuk i kap dot me dorë. Kjo është vetëm njëra anë. Portin e Durrësit. Ka gjetur një arab dhe ky do bëhet miliardier si arabi. Shkëput portin, çfarë ndodh me të gjitha këto. Pasuritë, fondet, në vend që të shndërrohen në mirësi për ju, shndërrohen në mallkim për ju.”
