Kreu i Partisë Demokratike, Sali Berisha ka hedhur akuza të forta ndaj Edi Ramës për të cilin tha se po mban “peng” Portin e Durrësit me 5 miliardë euro.
Gjithashtu kreu i demokratëve nuk la pa përmendur edhe shpopullimin alarmant të Shqipërisë duke theksuar se njerëzit largohen nga vendi pasi nuk kanë asnjë shpresë.
“Ata vjedhin, dhe vetëm vjedhin. Edi Rama mban peng Portin e Durrsit me 5 miliardë euro, edhe ky do të behet miliarder si arabi, çfarë ndodh me të gjitha këto? Pasuritë që janë për ju shëndërrohen në mallkim për ju. Njerëzit largohen se nuk kanë shpresë më në këtë vend. Ju jeni njerëz punëtor, shumë punëtor.. me shumë vështirësi sepse jeni të braktisur nga qecerisa vendore dhe shteti.
Nuk ka vend që fermeri humbet me subvencionimin, sepse fiton shteti edhe fermeri. Fermetët shqiptar e kishin 5.1 miliardë suvencionimin dhe tani e kanë zbritur në 3,7 miliard nga e cila vidhët për naftë dhe të tjera.
Këta i braktisën fermerët, dhe investimet e shkëlqyera që kanë bërë, nuk munden të vazhdojmë kështu. Kemi toleruar shumë vite. Është koha të bashkohemi, dua t’ju falënderoj për mbështetjen tuaj, por dua ti them dy fjalë kandidatëve te tjerë. Të dy jeni kandidatë të Tom Doshit. Partia Socialiste i ka dhënë më konçesione Tom Doshit. Ftoj çdo demokratë të mendojë dhe të bashkojë votat e tyre, sepse merita jonë është demokracia. Në 14 maj të votojmë Zef Hilën, për Shqipërinë, për të ardhmen tonë”, tha Berisha.
