Parlamenti do të zhvillojë sot seancën e përjavshme plenare që nis në orën 10:00.
30 minuta para nisjes së punimeve parlamentare, kryedemokrati Sali Berisha pritet të mbledhë grupin e tij parlamentar. Para mbledhjes, pritet të mbajë një fjalim për mediat. Temë e diskutimeve pritet të jetë paracaktimi i qëndrimeve në Kuvend.
Ndërkaq sipas rendit të ditës, është përcaktuar mbajtja e interpelancës me Ministren e Financave, Delina Ibrahimaj, e kërkuar kjo nga deputetja e Partisë Demokratike Jorida Tabaku.
Më tej, do të shqyrtohet dhe votohet projektligji “Për tatimin mbi të ardhurat” dhe dy projektvendimet për ndryshime në vendimin e lidhur me anëtarët zëvendësues të Komisioneve të Përhershme të Kuvendit.
Pika e fundit e rendit të ditës është parashikuar për çështje të tjera jashtë rendit për rreth 60 minuta.
