Policia e Tiranës, ka arrestuar ditën e sotme autorin e dyshuar të ngjarjes në Lezhë, ku 3 vite më parë ju vendos tritol pallatit të biznesmenit Liman Gjoka.
Blutë bëjnë me dije se në pranga ka rënë Zef Kola banues në Tiranë si autor i dyshuar i ngjarjes.
Ndërkohë si autor te vendosjes se lëndës plasëse me herët janë dënuar me burg nga gjykata e Lezhës dhe 2 autorët Erald Pajtani me 4 vite burg dhe Angli Stafuka me 2 vite heqje lirie.
Kujtojmë se ngjarja e rëndë ndodhi më 20 nëntor. Kjo ishte hera e parë e cila u ndoq nga një shpërthim i dytë në harkun kohor të 3 javëve, kur u sulmua serish me lëndë plasëse objekti në fjalë.Në dëshminë e tij në polici biznesmeni Liman Gjoka ka deklruar se pronën ku po ndërton e ka blerë shumë vite më parë dhe se nuk ka asnjë konflikt. Por pavarësisht pretendimeve të tij pista krysore e hetimit është ajo e konflikteve të pronësise, por nuk përjashtohet mundësia se ngjarjet mund të kenë ardhur dhe për shkak të konkurencës.
