Kryeministri i Shqipërisë, Edi Rama prej ditës së djeshme ndodhet në Mbretërinë e Bashkuar për një vizitë dy-ditore.
Pjesë e agjendës së tij ishte dhe një bashkëbisedim në Chatham House, e cila njihet si Instituti Mbretëror i Çështjeve Ndërkombëtare dhe është një institut i pavarur politikash me seli në Londër.
Kryeministri shqiptar ka shtangur të gjithë me retorikën e tij “delirante” për qasjen e autoriteteve britanike ndaj emigrantëve shqiptarë të cilët vitet e fundit si pasojë e keqqeverisjes “strehën” e vetme e kanë gjetur udhëtimin me gomone drejt Britanisë së Madhe.
Emigracioni i paligjshëm është tema kryesore e bisedës me homologun Rishi Sunak, kurse gjatë fjalës së tij Rama përfytyroi sikur rolet u këmbyen dhe ajo çfarë ai tha shkaktoi të qeshura në sallë.
“Nëse rusët do të pushtojnë Britaninë, ju ejani tek ne, ne do t’ju mbrojmë nga Putini dhe nga Suella Braverman të dy, kjo është e sigurt”, u shpreh Rama.
